{"id":130,"date":"2023-01-15T10:57:38","date_gmt":"2023-01-15T09:57:38","guid":{"rendered":"https:\/\/3nach3.ch\/?page_id=130"},"modified":"2023-01-15T15:06:59","modified_gmt":"2023-01-15T14:06:59","slug":"drue-weekend-2008","status":"publish","type":"page","link":"https:\/\/3nach3.ch\/?page_id=130","title":{"rendered":"DR\u00dc WEEKEND 2008"},"content":{"rendered":"\n

Bricht zum DR\u00dc Weekend vom drissigscht\/einedriisigscht Ougschte 2008<\/strong><\/p>\n\n\n\n

Biuder s\u00e4ge meh aus tuusig Wort. Aber mit dr Hartn\u00e4ckigkeit vom DR\u00dc hani nid gr\u00e4chnet. I s\u00f6tts ja afa w\u00fcsse: ds DR\u00dc isch nid nume es Team vo Wort (obschon das aube mit bsungerem Elan), sondern o es Team vo Tate. Drum hani mi h\u00e4regh\u00f6cklet, e Tubak aaz\u00fcndet u uf ds Papier braacht, was \u00f6ppe ch\u00f6nnti passiert si, a d\u00e4m einisch meh d\u00e4nkw\u00fcrdige Aalass. Me seit, ds Einte oder ds Angere wo da gschribe isch, sigi sogar passiert\u2026 Aber l\u00e4set s\u00e4uber.<\/p>\n\n\n\n

Ungerem Motto „back to the roots“ (me list „b\u00e4ck tu de ruuts“, auo zr\u00fcgg zur Ruth!?) heimer \u00fcs am Samschtig bir Beiz vo de Thuner Cavallerischte troffe, dert wo geng. Wyter hetts gheisse, dass mir \u00f6ppe ir fougende Reihefoug \u00f6ppis t\u00fce ungen\u00e4h: zum erwache u st\u00e4rke – sportlech u adrenalinhautig – \u00f6ppis f\u00fcrs Gm\u00fcet – ziemlech schpilerisch u Usduur fordernd – ache, uche, ache, uche, ache \u2026 – wieder \u00f6ppis f\u00fcrs Gm\u00fcet – going home.<\/p>\n\n\n\n

Es het scho bim Tr\u00e4ffpunkt aagfange. Dr F\u00f6rschter isch niene ume gsi, u nach telefonischer Nachfraag het \u00e4r la verlute, ufem Zettu scht\u00f6ng „ca. 8:00 h Besammlig“. D\u00e4 guet Mano het no nid begriffe, dass es bi Ruedi „\u00f6ppe“ nid git. He nu, \u00e4r isch du cho, het zaut u heisst syt denn „Zirka L\u00fctzu“. Ig s\u00e4uber ha o es Gscht\u00fcrm gha. I ha gl\u00e4se, me s\u00f6u „ungepflegt“ cho. Gheisse hetts aber „unverpflegt“. So hani haut zmorge g\u00e4sse, schtatt duschet. Gschm\u00f6ckt hets emu kene.<\/p>\n\n\n\n

W\u00fcu mir nie w\u00fcsse, was mer mache u wo mir h\u00e4reg\u00f6, simer gschpannt gsi wine Pfileboge. Zum erwache u schterche het \u00fcs anes grosses Zmorgeb\u00fcffet im Grizzlyb\u00e4r z’Forscht L\u00e4ngeb\u00fcel gf\u00fcert. Ch\u00f6it nech d\u00e4nke, dass em Schuelmeischter u em Outomech d’Ouge gl\u00fc\u00fcchtet hei. Was die zweh m\u00f6ge vernichte, geit uf ke Chuehut ufe. U schlank blybesi ono, das isch der Hammer.<\/p>\n\n\n\n

Mir si wyter gfahre u bim „Seilpark Gantrisch“ glandet. Mou, d\u00e4 mit em schportlech u adrenalinhaltig isch wahr worde. E jede het es Gscht\u00e4utli mit R\u00f6ueli u Karabinerhaagge gfasset, u nachere churze Instruktion het mes glii drufabe im ganze Waudgebiet gh\u00f6re lache, st\u00f6hne, juuchze, u heilandtonnere. M\u00e4nge hets vert\u00fc\u00fcflet, dass er nid chli sportlecher sig. Mir hei \u00fcs aber ids Z\u00fc\u00fcg gleit, wie nume \u00f6ppis. Iidr\u00fccklech heimer bewise, dass mir M\u00f6nsche nid vom Aff ch\u00f6i abstamme.<\/p>\n\n\n\n

Es isch mitunter luschtig gsi, zuezuluege, wies dene tapfere DR\u00dc Manne isch gange. Es Paari si tats\u00e4chlech nume no i de Seili gahnget. So langsam g\u00e4ge Namitag hets Du o der Letscht usem Waud vertribe. E chli m\u00fced isch Jede gsi. Aber f\u00fcr ds Plagiere het der Schnuuf no allewyl gl\u00e4ngt. Da sig me ja pl\u00f6tzlech o ufem schwirigschte Parcour locker vo Ascht zu Ascht gh\u00fcpft. Aber \u00e4be, gf\u00e4gt hets sowieso.<\/p>\n\n\n\n

Vorem Abfahre hets no es Maleur g\u00e4h. Wo Jumbo bim Outo het w\u00f6ue der Koffereruum-Dechu zuetue, hett Housi no \u00f6ppis v\u00fcregr\u00fcblet. Aber scho zschp\u00e4t. P\u00e4ng, der eint Egge vom Dechu am Housi zmits ufe Chopf. W\u00fcu e Glatze nid so guet abf\u00e4deret, hets ziemlech t\u00e4tscht. Dr Housi es Loch im Chopf, u jede het gw\u00fcsst, dass \u00e4r n\u00fct glehrt het, sit em letschte Usfluug im Tessin. Sch\u00fcsch h\u00e4tt \u00e4r n\u00e4mlech e Heum agha. Es het uf au F\u00e4u bl\u00fcetet, u wo Jede het gmeint \u00e4r sig Dokter u ch\u00f6nn s\u00e4ge, was em Beschte zmache sig, het Du dr Wegglibeck si Apothek v\u00fcregno, u es Pflaschter ufkl\u00e4bt.<\/p>\n\n\n\n

D Reis isch wyter ids Oberland gange. Glii simer uf dr Engstligenalp gsi. Wundersch\u00f6n hett sech d Landschaft im Schp\u00e4tsummer pr\u00e4sentiert. Da chasch d Seeu no la bambele. Das heimer nachem Zimmerbezug im B\u00e4rghotel gmacht. Mir si n\u00e4mlech no ufene Hoger kl\u00e4tteret u hei am R\u00fcedu zueglost, wonis dr Handbau-Alps\u00e4ge het erteilt. Wie wahr, si syni Wort, wenn \u00e4r seit, dass me nid nume cha derby si im DR\u00dc, sondern, dass me ou e Biitrag mues leischte. Mir hei gschwore, uf u n\u00e4bem Schpif\u00e4ud f\u00fcr ds Team iizschtah.<\/p>\n\n\n\n

Nachem Znacht\u00e4sse, Dir ch\u00f6it nech die l\u00fc\u00fcchtende Ouge vom Schuelmeischter u Outomech einisch meh vorschteue, hei mir \u00fcs mit Usduur em Schpile zuegw\u00e4ndet. Dass no Eine oder Zwee usem Chr\u00fcttergarte si derby gsi isch o klar. Wo em Appez\u00e4ller sis Nationalgetr\u00e4nk usgange isch, hett \u00e4r sech no mit es paar Kamerade em wysse Trubesaft zuegw\u00e4ndet. Zu de Fouge schp\u00e4ter meh!
E z\u00fcnfige Jass darf nat\u00fcrlech nid f\u00e4hle. U sit n\u00f6ischter Zyt u der damalig guete Iif\u00fcerig d\u00fcr \u00fcse Pokerer, mache mir o das Schpiu us Amerika mit de Tschips. Es git immer wieder \u00f6ppe Eine, wosech sis Sackg\u00e4ud tuet ufbessere. \u00d6bs serig het, wo n\u00e4r deheime vor der Regierig nid w\u00fcsse wie abr\u00e4chne, blibt es Gheimnis. Irgendwie hetts Du e Jede irgendeinisch gschafft, das ihm zueteilte Zimmer zfinge.<\/p>\n\n\n\n

Es het ja si Bscheid, am Morge ufnere Alp z’erwache. E wahri Pracht, wenn d Sunne hinger de B\u00e4rge v\u00fcre chunnt. Aber es het genau ei Chue unger \u00f6ppe zighundert Viicher mit ere Glogge gha. U grad usgr\u00e4chnet die einti Chue het am Morge fr\u00fce vor \u00fcsem F\u00e4nschter m\u00fcsse grase\u2026 Mau ke Chileglogge vo Zw\u00f6ibr\u00fcgge (D) im Zimmer, u n\u00e4ch\u00e4r das. Item, d Chue het emu nid no vor ds F\u00e4nschter gschisse.<\/p>\n\n\n\n

Mir heinis vo Adelbode no nid ganz verabschidet. Dr n\u00e4chscht Haut isch bir Talstation vor Sillerebahn gsi. Das isch cheibe g\u00e4big, sone Gondle. Da chasch zf\u00fcft, zs\u00e4chst ine Metautrucke hocke, u die h\u00e4nke si anes Kabu wo di dr Hoger ufe schriist. De musche nid tschiirgge\u2026
Obe acho, het Jede es Trotti gfasset. Hosi het gscht\u00f6hnet „\u00e4ndlech e Heum!“. Aha, das isch es auso, das ache – uche – ache\u2026 Mit em Trotti bis i d Mittustation abe suuse, u n\u00e4r mit der Gondle wider ufe. Ja das isch es goudi gsi. Ds „Ching im Maa“ isch fasch mit \u00fcs d\u00fcre br\u00f6nnt. „G\u00f6mer no mau?“ hets immer wieder gheisse. Mit jeder Abfahrt simer chli muetiger worde\u2026 Aber Obacht isch gliich aagseit gsi. Wies ch\u00f6nnti ga, het n\u00e4mlech dr Appez\u00e4ller m\u00fcsse erfahre u \u00fcs sini Br\u00e4msschpure vomne angere Aalass mit Trotti zeigt. Sowieso hett \u00e4r no d Nachw\u00fcrkige vom vorn\u00e4chtleche Trybe gschp\u00fcrt, und uf der Sunneterasse vor B\u00e4rgbeiz zfride gschnarchlet.<\/p>\n\n\n\n

Abgrundet het d\u00e4 Usfluug no e wyteri Schpielrundi u es w\u00e4hrschafts B\u00e4rg Zvieri mit Ch\u00e4s, Brot, Fleisch, Wy u\u2026 vier l\u00fc\u00fcchtegi Ouge.<\/p>\n\n\n\n

Einisch meh, het \u00fcs der T\u00e4tschmeischter es unverg\u00e4sslechs Wuche\u00e4ndi bschehrt. Ganz h\u00e4rzleche Dank, R\u00fcedu. Dir glingts immer wieder, Aal\u00e4ss z organisiere, wos viu z Erl\u00e4be u z Lache git.<\/p>\n\n\n\n

Mir fr\u00f6ie \u00fcs uf n\u00e4chschts Jahr.<\/p>\n\n\n\n

Mitw\u00fcrkendi:
T\u00e4tschmeischter: Badertscher Ruedi
Dr Pokerer: Beeri Pascal
Leenker: Brunner Andreas
Outomech: Darmst\u00e4dter Brian
Versicherigsheini: Hilpert Daniel
Schuelmeischter: Klopfenstein Alex
Versicherigsheini: Kyprian Lars
V\u00e4ttu: Luginb\u00fchl Pascal
Zirka L\u00fctzu: Lutz David
Dr J\u00fcngling: Mast Patrick
Dr Beamti: Peter Rolf
Housi (Schpiu Hannes): Portner Hans
S\u00e4ckelmeischter: Sieber J\u00fcrg
Schryberling: Sigg Rolf
Jumbo: Sorgen Thomas
Appez\u00e4ller: Studach Tobias
Wegglibeck: Wildhaber Peter
Verbandtussi: Willi Daniel
Ds tapfere Schniiderli: Schneiter Roland<\/p>\n\n\n\n

MERCI R\u00dcEDU<\/p>\n\n\n\n

FOTOS<\/a><\/p>\n","protected":false},"excerpt":{"rendered":"

Bricht zum DR\u00dc Weekend vom drissigscht\/einedriisigscht Ougschte 2008 Biuder s\u00e4ge meh aus tuusig Wort. Aber mit dr Hartn\u00e4ckigkeit vom DR\u00dc hani nid gr\u00e4chnet. I s\u00f6tts ja afa w\u00fcsse: ds DR\u00dc isch nid nume es Team vo Wort (obschon das aube mit bsungerem Elan), sondern o es Team vo Tate. Drum hani mi h\u00e4regh\u00f6cklet, e Tubak […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_regular_price":[],"currency_symbol":[],"footnotes":""},"class_list":["post-130","page","type-page","status-publish","hentry"],"post_slider_layout_featured_media_urls":{"thumbnail":"","post_slider_layout_landscape_large":"","post_slider_layout_portrait_large":"","post_slider_layout_square_large":"","post_slider_layout_landscape":"","post_slider_layout_portrait":"","post_slider_layout_square":"","full":""},"_links":{"self":[{"href":"https:\/\/3nach3.ch\/index.php?rest_route=\/wp\/v2\/pages\/130","targetHints":{"allow":["GET"]}}],"collection":[{"href":"https:\/\/3nach3.ch\/index.php?rest_route=\/wp\/v2\/pages"}],"about":[{"href":"https:\/\/3nach3.ch\/index.php?rest_route=\/wp\/v2\/types\/page"}],"author":[{"embeddable":true,"href":"https:\/\/3nach3.ch\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/3nach3.ch\/index.php?rest_route=%2Fwp%2Fv2%2Fcomments&post=130"}],"version-history":[{"count":3,"href":"https:\/\/3nach3.ch\/index.php?rest_route=\/wp\/v2\/pages\/130\/revisions"}],"predecessor-version":[{"id":191,"href":"https:\/\/3nach3.ch\/index.php?rest_route=\/wp\/v2\/pages\/130\/revisions\/191"}],"wp:attachment":[{"href":"https:\/\/3nach3.ch\/index.php?rest_route=%2Fwp%2Fv2%2Fmedia&parent=130"}],"curies":[{"name":"wp","href":"https:\/\/api.w.org\/{rel}","templated":true}]}}